Þjóðhátíðar undirbúningurinn hefst hjá okkur
Þegar líða fer á júlímánuð fara margir að huga að Þjóðhátíðinni, t.d. mála súlurnar, bekki og húsgögn sem notuð eru í tjaldinu, fara yfir "gólf"búnað og endurnýja teppin ef þess þarf.
Verslunarmannahelgin er ein stærsta helgi Vestmannaeyinga, þar sem Þjóðhátíð í Herjólfsdal er haldin ár hvert. Mörg hantök þarf að vinna svo hægt sé að halda svona stóra hátíð, hvort sem það viðkemur mannvirkjunum í Herjólfsdal, eða hvítu tjöldunum. Við erum löngu byrjaðir að undirbúa okkur fyrir þjóðhátíðarverkin.
Það getur verið mjög gott að fara yfir súlurnar áður en haldið er með þær af stað í Herjólfsdal. Gott er að taka alla lausa málningu af súlunum og mála yfir svo þær séu sléttar og flottar. Einnig er gott að fara yfir bekki, stóla, borð og annan tjaldbúnað tímalega, svo hægt sé að gera ráðstafanir, t.d. mála, skipta um höldur o.fl. "Gólf" búnaðurinn skiptir einnig miklu máli fyrir tjaldbúa og eigum við til teppin sem henta í dalinn, hvort sem ætlunin er að nota þau inní hvítu tjöldin, eða fyrir utan. Við erum svo við öllu búnir, og eigum til plast í tjöldin, ef ske kynni að það kæmi rigning á okkur.
Við erum einnig búnir að bæta við okkur allskonar borðbúnaði, s.s. kökudiskar með hjálmi, kaffikönnur (frá 0,5L - 2L) og svo má auðvitað ekki gleyma þjóðhátíðar kristalnum. Einnig höfum við bætt við tjaldluktum og tjaldhiturum í úrvalið okkar. Svo má auðvitað ekki gleyma brúsum í brekkuna, og eigum við til gott úrval af brúsum